By Aerodromci 
Денешната седница за пратенички прашања во Собранието мина во знакот на остар дуел помеѓу лидерот на Левица, Димитар Апасиев, и претседателот на ВМРО-ДПМНЕ, Христијан Мицкоски.
Апасиев излезе со серија обвинувања и документи насочени кон својот политички опонент, алудирајќи на поврзаности и политички влијанија кои, според него, се проблематични.
Мицкоски не остана должен. Тој одговори со сопствен сет документи кои, како што рече, потекнуваат од „свиркачи“, и побара Апасиев јавно да потврди или демантира дел од наводите што кружат во јавноста.
Во своето обраќање, Мицкоски постави и серија прашања за финансиското работење на Левица. Тој побара разјаснување за кредити земени од партијата, за трансакции од партиската каса кон лична сметка на Апасиев, како и за преговори околу купување на недвижен имот во центарот на Скопје.
Дуелот меѓу двајцата лидери ја подгреа атмосферата во салата, а нивната пресметка покажа дека политичката борба во земјава се заострува токму во пресрет на клучните одлуки што ја очекуваат државата.