By Aerodromci 
Основното јавно обвинителство ја отфрли кривичната пријава против директорот на Агенцијата за национална безбедност, Бојан Христовски, поднесена за наводно фалсификување и употреба на исправа со невистинита содржина.
Како што соопштија од обвинителството, по целосно спроведена постапка и проверки, било утврдено дека Христовски не изготвил лажна исправа со намера истата да ја прикаже како вистинита, ниту пак употребил таков документ во правниот сообраќај.
„Пријавениот не направил лажна исправа со намера таквата исправа да ја употреби како вистинска и не употребил преправена исправа како вистинска, ниту пак како доказ во правниот сообраќај употребил исправа, книга или спис за кои знае дека се невистинити“, стои во соопштението на ОЈО.
Случајот предизвика големо внимание во јавноста, со оглед на високата позиција која ја извршува Христовски. Со денешната одлука, предметот официјално се затвора.