Приведен криминалец баран со потерница за затворска казна од четири години и 10 месеци, се обидел илегално да ја премине границата

На 28.04.2025 во 14.20 часот полициски службеници од Полициската станица за граничен премин и граничен надзор Богородица го привеле С.А.(44) од Скопје, кој претходно се обидел илегално да ја премине државната граница од Република  Македонија во Р.Грција. При извршена проверка констатирано било дека за него била распишана потерница за издржување на затворска казна во траење од четири години и 10 месеци. С.А. бил спроведен во Казнено- поправната установа Затвор Штип.