By Aerodromci 
МВР разбива организирана група со над 50 лица – лекари, адвокати и службени лица вмешани во злоупотреби на здравствени фондови.
Во координирана акција на МВР и Бирото за јавна безбедност, денеска се спроведува голема полициска операција во неколку македонски градови. Целта е сузбивање на организиран криминал и корупција во здравствениот систем, поврзани со злоупотреба на Фондот за здравствено осигурување.
Според неофицијални информации, се работи за мрежа од повеќе од 50 лица, меѓу кои лекари, адвокати, вештаци и членови на комисии во ПИОМ. Групата, наводно, со години лажно издавала медицински дијагнози за да овозможи незаконско користење на финансиска помош за туѓа нега и добивање инвалидски пензии.
Претреси се извршуваат на 21 локација, меѓу кои се и:
- Клиничкиот центар „Мајка Тереза“ – Скопје
- Клиничка болница – Тетово
- Општа болница – Велес
- Домови на осомничени лица
- Адвокатски и здравствени канцеларии
Од МВР информираат дека против 49 лица се поднесени кривични пријави за дела како што се:
- Злосторничко здружување
- Злоупотреба на службена положба
- Примање и давање поткуп
- Незаконито влијание врз институции
Планирани се приведувања на 24 лица, додека другите ќе бидат спроведени на службени разговори.