By Aerodromci 
Женева, 5 април 2025 – На регионалниот форум за одржлив развој што се одржа во Женева, македонскиот претставник Игор Јанушев учествуваше на низа билатерални состаноци со високи меѓународни претставници, со цел зајакнување на соработката и размена на искуства во насока на реализација на Целите за одржлив развој (ЦОР).
Јанушев оствари средби со:
- Регионалниот директор на Програмата за развој на Обединетите нации (УНДП), Ивана Живковиќ,
- Амбасадорот за Агенда 2030 на Швајцарија, НЕ Маркус Реуби,
- Директорката на Одделот за одржлив развој во рамки на Економската комисија на ОН за Европа (UNECE), Елизабет Турк,
- Државниот секретар за безбедносна политика и енергетска безбедност на Унгарија, Петер Тсараи, заедно со амбасадорката на постојаната мисија на Унгарија во ОН, НЕ Софија Хаваси,
- Како и координаторот на Одделот за одржлив развој на Романија, Ласло Борберу.
„Овие состаноци претставуваат одлична можност за унапредување на меѓународната соработка и вклучување на најдобрите практики во нашата Национална развојна стратегија“, изјави Јанушев, потенцирајќи дека Целите за одржлив развој се веќе целосно интегрирани во стратешките планови на државата.
Регионалниот форум во Женева претставува клучна платформа за земјите од Европа и Централна Азија за заедничко делување во исполнувањето на Агендата 2030 на Обединетите нации.