By Aerodromci 
Александар Карадаковски, управител на фирмата „МММ Кафе“ ДООЕЛ, која што управуваше со дискотеката „Пулс“ во Кочани, почина додека беше на лекување во Литванија. Со тоа, тој стана 60-тата жртва на трагичниот пожар што ја потресе јавноста.
Според достапните информации, Карадаковски работел како шанкер во дискотеката, додека вистинскиот сопственик на локалот е Дејан Јованов – Деко. Пожарот, кој избувна во дискотеката „Пулс“, предизвика огромна трагедија, оставајќи бројни семејства во тага.
Официјалните институции сè уште спроведуваат истрага за причините за пожарот, а јавноста очекува одговорност за настанот што доведе до загуба на толку многу животи.