By Aerodromci 
Одлуката на Доналд Трамп да воведе 33% царина за македонските производи ги изненади многумина, но уште поголемо изненадување е зошто никој не реагира на фактот дека Македонија веќе подолг период има царина од дури 66% за производи од САД.
Овој дисбаланс во трговските бариери отвора неколку важни прашања. Зошто, кога Македонија воведува високи царини, тоа се смета за нормално, но кога САД одговара со значително помала давачка, тоа станува тема на чудење? Дали станува збор за неинформираност, селективно внимание или нешто друго?
Според економските аналитичари, ваквиот трговски однос е резултат на повеќегодишни политики кои ретко се преиспитуваат. Македонија, како мала економија, често ги прифаќа правилата поставени од поголемите трговски партнери, но истовремено останува заробена во регулативи што ја прават неатрактивен партнер за странските инвеститори и извозници.
Одлуката на Трамп можеби ќе иницира поширока дебата – не само за тоа како другите постапуваат со Македонија, туку и за тоа како Македонија постапува со другите. Ако е нефер царина од 33%, тогаш што да кажеме за 66%?