Гневни граѓани: “Се удавивме во кал, а општината не превзема ништо!”

Жители на општина Аеродром повторно изразуваат незадоволство од состојбата на јавните површини, обвинувајќи ги локалните власти за негрижа и пасивност. Еден од граѓаните револтирано изјави: „Се удавивме во нашата мила општина Аеродром, срамота за демек најурбаната општина! По неколку години барања до општината, резултатот е 1:0 за нив!“

Станува збор за неуредена површина која по секој дожд се претвора во кал, принудувајќи ги минувачите да газат низ нечистотија. Жителите веќе подолго време алармираат за проблемот, но и покрај нивните апели, решението сè уште не е на повидок.

„Секој ден минуваме низ кал и бараме решение, но одговор нема. Ова не е само естетски, туку и функционален проблем, особено за постарите лица, децата и лицата со попреченост. Дали навистина сме дел од модерна и урбана општина?“ прашува друг жител.

И покрај реакциите на граѓаните,  општинските власти засега не превземаат ништо. Незадоволните жители бараат итна интервенција и решавање на овој долгогодишен проблем, надевајќи се дека нивниот глас конечно ќе биде слушнат.