By Aerodromci 
Управителот Александар Карадакоски, кој во моментов се наоѓа на лекување во Литванија, во јавноста бил познат како сопственик на дискотеката „Пулс“, но вистинското управување со локалот го вршел Дејан Јованов – Деко, објави емисијата КОД во своето најново издание.
Според истражувањето на КОД, официјално „Пулс“ работел под лиценца издадена на фирмата ММММ Кафе, чиј формален сопственик е Карадакоски. Сепак, вистинската контрола врз работата на дискотеката ја имал Јованов, кој претходно бил поврзан со фирмата Класик, сè до нејзиниот стечај во 2023 година.
Во јавноста долго време постоеле сомнежи и шпекулации околу сопствеништвото на „Пулс“, а најновите информации ги потврдуваат овие дилеми.
Инаку, Карадакоски е меѓу десетиците лица кои беа повредени во неодамнешниот инцидент и беа пренесени на лекување во странство. Тој е еден од четирите пациенти кои во моментов се лекуваат во Литванија.
Останува да се види дали овие нови информации ќе отворат дополнителни прашања за функционирањето на дискотеката „Пулс“ и нејзините сопственици.