By Aerodromci 
- Македонскиот правосуден систем со години е извор на корупција, селективна правда и заштита на моќниците. Наместо да служи на народот и да гарантира правда, тој стана алатка за одбрана на оние со политички и економски врски. Оваа состојба не е случајна – таа е резултат на години на неказнивост и свесно уништување на институциите.
Случајот Бесија Илијази – уште една потврда за двојните аршини
Најновиот пример за расипаноста на системот е случајот со Бесија Илијази, која призна вина и со тоа успеа да си ја ублажи казната. Ова е класична тактика што ја гледаме со години – кога некој ќе биде „фатен на дело“, наместо вистинска одговорност, добива можност да се спаси со договори и лесни казни.
Од друга страна, бизнисменот Асмир Јахоски, сопственикот на „Пучко Петрол“, заврши во домашен притвор. Овој случај отвора многу прашања – дали навистина ќе има правна разрешница, или ова е само уште еден спектакл за јавноста? Досега сме виделе многу големи имиња во притвор, но ретко кој од нив сносел сериозни последици.
Што понатаму?
Додека не се расчисти со корумпираните судии, обвинители и политички моќници што го контролираат системот, нема да има вистинска правда во Македонија. Неопходни се реформи што нема да бидат само козметички, туку ќе донесат реална промена. Ако оваа држава сака да опстане, мора да го исече коруптивниот канцер од корен – без компромиси и без селективност.