By Aerodromci 
Паркингот на Клинички ќе поскапи на 50 денари – Таравари ја посочи албанската компанија „Гока“
Цената за паркирање во комплексот на Клиничкиот центар во Скопје ќе се зголеми од 30 на 50 денари, најави министерот за здравство, Арбен Таравари. Според него, причината за ова покачување е преземањето на управувањето со паркингот од страна на албанската компанија „Гока“.
„Со договорот што е склучен, компанијата ќе го преземе менаџирањето, а тоа подразбира и промени во ценовникот,“ изјави Таравари. Тој не навлезе во детали за условите на договорот, но нагласи дека се очекуваат подобрувања во организацијата на паркирањето.
Покачувањето на цената предизвика реакции кај граѓаните, особено кај пациентите и нивните семејства, кои често го користат паркингот при посетите на болниците во рамките на Клиничкиот центар. Дел од нив сметаат дека цената е превисока, додека други посочуваат дека е потребно подобрување на условите и ред во паркирањето.
Сè уште не е познато кога точно ќе стапи на сила новата цена, но според информациите, тоа ќе се случи наскоро.